ياللي تقـول الحـب بتـراب ينبـاع
في وقت صار الحـب سلعـه رديـه
ترى بنات النـاس بأشكـال وأنـواع
فيهن رديـة نفـس .. وفيهـن نقيـه
بالعقل مختلفـات يشبهـن الاصبـاع
انظر لاصابـع يـدك ماهـي سويـه
وشلك بحب(ن) صار راعيـه خـداع
يلعب علـى الحبليـن خايـن خويـه
نصيحتي بالحـب لاصـرت طمـاع
ليـا نويـت تحـب حـب بـدويـه
عشق بدويه غيـر نـادرة الاطبـاع
مثل الذهـب مضمـون ميـه لميـه
تحسب خطاها يوم تمشي على القـاع
عقل رزيـن وجـود بنـت اجوديـه
مجنونت(ن) فالحب شيخـه ومطـواع
فـي عشقهـا بالحـب دايـم وفـيـه
تعشق وتخفي الحب من خلف الاضلاع
ماثرثـرت بـه عنـد هـاذا وذيـه
كل الحلا والزين في حسنهـا ضـاع
مـن شافهـا مانـام عينـه شقـيـه
واللي مـع الاسـواق للبنـت تبـاع
مانالهـا لـو طـال نجـم الثـريـه
وان قيل وان ماقيل في شعرك ابـداع
يكفـي فخـر لاقلـت بنـت بدويـه
وسلامتكو
موضوع: لو نويت تحب حب البدويه 
الإثنين مارس 24, 2008 10:09 am
